Bakı-APA. Rusiya-ABŞ-BMT formatında keçirilmiş üçtərəfli görüşdə Suriya üzrə yeni beynəlxalq konfransın (Cenevrə-2) tarixini müəyyən etmək mümkün olmayıb.
“Konfransın tarixi müəyyən olunmayıb”. APA-nın “İnterfaks”a istinadən verdiyi xəbərə görə, bu barədə jurnalistlərə iyunun 25-də Cenevrədə keçirilmiş üçtərəfli görüşün nəticələrini şərh edərkən Rusiya XİN rəhbərinin müavini Gennadi Qatilov bildirib.
“Bir çox məsələlər üzrə, xüsusən də konfransın formatına dair razılaşma əldə olunub, bəzi məsələlərin isə əlavə razılaşmaya ehtiyacı var”, deyə Qatilov vurğulayıb. .