Moskva. Fərid Əkbərov - APA. Bu il Şimali Qafqazda bir terror aktının qarşısı alınıb.
APA-nın Moskva müxbirinin verdiyi məlumata görə, bunu Rusiya Federal Təhlükəsizlik Xidmətinin direktoru Aleksandr Bortnikov bildirib.
Onun sözlərinə görə, bu il ərzində Şimali Qafqazda 48 silahlı və onların 300-dən çox yardımçısı saxlanılıb: "Bu il regionda vəziyyətin normallaşması istiqamətində işlər davam edir. Ötən müddət ərzində Şimali Qafqazda bir terror aktının qarşısı alınıb, 48 silahlı və onların yardımçıları olan 328 nəfər saxlanılıb, 95 silahlı neytrallaşdırılıb, o cümlədən içərisində Kabarda-Balkar və Dağıstan dəstəsinin liderləri olan 15 silahlı dəstə başçısı zərərsizləşdirilib", - deyə FTX rəhbəri Milli Anti-terror Komitəsinin iclasında çıxışında qeyd edib.
Bortnikov internetdə terror təbliğatının aparılmasının və gənclərin terrorçu fəaliyyətə cəlb olunmasının qarşısının alınması üçün vətəndaş cəmiyyəti institutlarının fəaliyyətinin aktivləşdirilməsinin vacibliyini xüsusi qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
