APA-nın Moskva müxbirinin verdiyi məlumata görə, yanvarın 17-dən başlayaraq fasiləsiz yağan güclü qar Rusiya paytaxtında həyatı iflic edib. Moskva dairəvi yolunda hərəkət tamamilə dayanıb. Şəhər mərkəzi istiqamətində yol boyunca uzunluğu kilometrlərlə ölçülən tıxac yaranıb. “Yandex” axtarış sistemi səhər saatlarında tıxacın 8 bal olduğunu göstərib.
Qarın hündürlüyü 25 santimetri keçib. Şəhər meriyası paytaxtın mərkəzi küçələrinin qardan təmizlənməsinə minlərlə texnika və canlı qüvvə ayırıb. Qarın dayanmadan yağması küçələrin təmizlənməsinə mane olur. Paytaxtın mərkəzi küçələrinin kənarında hündürlüyü iki metrə çatan qar topalarına rast gəlmək olur.
Sinoptiklər gün ərzində qarın davam edəcəyini bildiriblər. Axşam saatlarından isə temperaturun daha da aşağı düşməsi müşahidə olunacaq. Yolların buz bağlayacağı bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
