MDB

Ana səhifə

MDB

Rusiyada partlayış baş verən binada ölənlərin sayı 5 nəfərə çatıb - YENİLƏNİB

Rusiyada partlayış baş verən binada ölənlərin sayı 5 nəfərə çatıb - <span style="color: red;">YENİLƏNİB

06 noyabr 2016 06:28 (UTC +04:00)

Rusiyanın İvanovo şəhərində yaşayış binasında baş verən partlayış nəticəsində ölənlərin sayı 5 nəfərə çatıb.

APA-nın “RİA Novosti” agentliyinə istinadən verdiyi məlumata görə, bunu İstintaq Komitəsinin Regional İdarəsinin nümayəndəsi Olqa Dolyeva bildirib.

Bundan əvvəl partlayış nəticəsində 4 nəfərin öldüyü açıqlamışdı.

***

09.04

Rusiyanın İvanovo şəhərində yaşayış binasında baş verən partlayış nəticəsində 4 nəfər ölüb.

APA-nın “RİA Novosti” agentliyinə istinadən verdiyi məlumata görə, bunu İstintaq Komitəsinin Regional İdarəsinin nümayəndəsi Olqa Dolyeva bildirib.

Ölənlərdən biri uşaqdır.

***

saat 07.29

İvanovoda qazın partlaması nəticəsində qismən uçan binanın dağıntıları altından 5 sakin xilas edilib, onlardan biri ciddi xəsarət alıb. APA-nın xəbərinə görə, bu barədə “RİA Novosti”yə Rusiya FHN-nin bölgə üzrə Baş İdarəsindən bildirilib.

“Birinci blokdan 6 nəfər, ikinci blokdan isə 8 nəfər təxliyə olunub, dağıntılar altından 5 nəfər xilas edilib, onlardan biri ciddi xəsarət alıb”,- deyə FHN-dən bildirilib.

Həmçinin, dağıntılar altından iki nəfərin səsinin eşidildiyi bildirilir.

Məlumata görə, dağıntının sahəsi 80 kv.m. təşkil edib. Binada ümumilikdə 19 sakin qeydiyyata alınıb.

***** 06.29

Rusiyanın İvanovo şəhərində ikimərtəbəli yaşayış binası partlayış nəticəsində qismən uçub.

APA-nın “RİA Novosti”yə istinadən verdiyi xəbərə görə, partlayış qaz sızması nəticəsində baş verib. Dağıntılar altında 8 sakinin qaldığı ehtimal edilir.

Hadisə yerindən 5 nəfər təxliyə edilib.