APA-nın məlumatına görə, bunu Gürcüstanın sabiq baş naziri Vano Merabişvili yeni hökumətin başçısı Bidzina İvanişvilinin eyni zamanda NATO və Rusiya ilə yaxşı münasibətlər yaradan Ermənistanın müsbət nümunə olması ilə bağlı bəyanatını şərh edərkən bildirib.
«Baxmayaraq ki, Ermənistan bizim üçün dost ölkədir və mən onların seçiminə hörmətlə yanaşıram, Ermənistanın seçdiyi yol Gürcüstanın dövlət maraqlarına ziddir», - deyə V.Merabişvili bəyan edib.
«Vahid Milli Hərəkat»ın digər təmsilçisi Qoka Qabaşvili isə bildirib ki, eyni vaxtda Kollektiv Təhlükəsizlik Müqaviləsi Təşkilatının üzvü olan və NATO ilə əməkdaşlıq edən, lakin üzvlüyü düşünməyən Ermənistan Gürcüstanın xarici siyasəti üçün model ola bilməz: «Bu, xarici siyasət kursunun 180 dərəcə dəyişməsi olacaq. Bu, Gürcüstan üçün çox təhlükəlidir».
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
