Bakı-APA. Gürcüstanda “Gürcü arzusu” koalisiyasına rəğbət bəsləyən vətəndaşların sayı azalıb. APA-nın gürcü mətbuatına istinadən verdiyi məlumata görə, ABŞ Milli-Demokrat İnstitutunun (NDI) keçirdiyi sorğunun nəticələrinə görə, müvafiq göstərici 60 %-dən 52%-dək düşüb.
Lakin bu dəyişiklik Mixail Saakaşvilinin Vahid Milli Hərəkat Partiyasının reytinqinin artmasına səbəb olmayıb. Sözügedən partiyaya ölkə əhalisinin 10% rəğbət bəsləyir.
Eyni zamanda rəyi soruşulanların 15% bəyan edib ki, ölkədə mövcud siyasi partiyalardan heç biri onların baxışlarını əks etdirmir.
Sorğu 2013-cü ilin iyunun 12-dən 16-dək keçirilib. Sorğuda 2338 nəfər iştirak edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
