Bakı-APA. Dünən Suxumidə öldürülən kriminal avroritet “Astik Suxumskiy” azərbaycanlı “qanuni oğru” Rövşən Canıyevin (“Rövşən Lənkəranski”) rəhbərlik etdiyi klanın üzvü olub. APA-nın məlumatına görə, bu barədə “Newsru.com” saytı məlumat yayıb. Sayt bu qruplaşmanın yanvarın 17-də Moskvada qətlə yetirilmiş nüfuzlu kriminal avtoritet Aslan Usoyanla (“Ded Xasan”) açıq münaqişə vəziyyətində olduğunu yazır: “Rövşən azərbaycanlı avtoritetləri öz rəhbərliyi altında birləşdirməyə çalışır, lakin onların bir çoxu Usoyanın klanına daxildir. Canıyev 2009-cu ildən “Ded Xasan”ın azərbaycanlı tərəfdarlarını Moskvanın topdansatış tərəvəz bazarından çıxarmağa cəhd edir. İki qruplaşma arasında gedən müharibədə artıq 20-dək qanqster öldürülüb, onların əksəriyyəti Rövşən Canıyevin klanının üzvləridir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
