Bakı. Viktoriya Dementyeva – APA. Rəsmi Tiflis Rusiyanın Gürcüstanla müntəzəm aviaəlaqələrin bərpası üçün danışıqlara başlamaq qərarını alqışlayır.
APA-nın Gürcüstan KİV-nə istinadən xəbərinə görə, bunu Gürcüstan baş nazirinin Rusiya ilə əlaqələr üzrə xüsusi nümayəndəsi Zurab Abaşidze bildirib.
Onun sözlərinə görə, altı ay əvvəl başlanan danışıqlarda artıq irəliləyiş müşahidə olunur: “Artıq deyə bilərik ki, məsələlərin 80-90%-i üzrə razılıq əldə olunub”.
Z.Abaşidze qeyd edib ki, yaxın vaxtlarda iki ölkənin müvafiq nəqliyyat qurumlarının rəhbərlərinin görüşü olacaq və məsələnin detalları orada müzakirə olunacaq. Aviaəlaqələrin bərpasından sonra avtomobil yolu əlaqələrinin bərpasına dair danışıqların başlanacağı da istisna olunmur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
