Mədəniyyət siyasəti

Ana səhifə

Mədəniyyət siyasəti

İrəvanda Azərbaycan filmləri festivalı keçiriləcək

12 avqust 2009 16:38 (UTC +04:00)

Bakı – APA. Bu ilin oktyabrında İrəvanda Azərbaycan filmləri festivalı keçiriləcək. APA-nın ARMİNFO-ya istinadən xəbərinə görə, festival Qafqaz Sülh Təşəbbüsləri Mərkəzinin təşkilatçılığı və ABŞ-ın Ermənistandakı səfirliyinin dəstəyi ilə keçiriləcək.
Qafqaz Sülh Təşəbbüsləri Mərkəzinin direktoru Georgi Vanyan bildirib ki, müxtəlif janrlı – bədii, sənədli və animasiya filmləri nümayiş etdiriləcək: “Hazırda festivalın proqramına daxil edilməyə namizəd olan 50 filmə baxılıb. Biz öz tərəfdaşlarımız vasitəsilə gənc azərbaycanlı rejissorlara çıxmağa çalışırıq və artıq bəzi kinematoqraflarla əlaqə yaratmağa nail olmuşuq”.
Azərbaycan filmləri Ermənistan paytaxtının kinoteatrlarında göstərilməklə yanaşı, ayrı-ayrı fiziki və hüquqi şəxslər üçün sifarişlə də nümayiş etdiriləcək. Bu ilin əvvəlində İrəvanda keçirilmiş Türkiyə filmləri festivalında olduğu kimi, ən yaxşı film tamaşaçı səsverməsi ilə seçiləcək.
G.Vanyan qeyd edib ki, festivalın keçirilməsində əsas məqsəd iki dövlət arasındakı dialoqa yardım göstərməkdir.