Mədəniyyət siyasəti

Ana səhifə

Mədəniyyət siyasəti

Naxçıvanda “Nizamidən Yunis Əmrəyə, Atatürkdən Heydər Əliyevə sevgi və barış yolu” mövzusunda beynəlxalq simpozium keçirilir

11 sentyabr 2009 10:49 (UTC +04:00)

Naxçıvan. Elmar Hüseynov-APA. Bu gün Naxçıvan Dövlət Universitetində Avrasiya Dostluq, Mədəniyyət, Sənət və Turizm qurumu, Naxçıvan Dövlət Universiteti (NDU), Azərbaycan Milli Elmlər Akademiyasının Naxçıvan Bölməsinin təşkilatçılığı ilə 23-cü Beynəlxalq Avrasiya Dostluq və Mədəniyyət həftəsi çərçivəsində “Nizamidən Yunis Əmrəyə, Atatürkdən Heydər Əliyevə sevgi və barış yolu” mövzusunda beynəlxalq simpozium keçirilir. APA-nın Naxçıvan bürosunun məlumatına görə, simpoziumun plenar iclasında NDU-nun rektoru, akademik İsa Həbibbəyli “Görkəmli dövlət xadimi Heydər Əliyev: Azərbaycan, türk dünyası və zaman”, professor Baheddin Güney “Elmi-mədəni əlaqələrin genişləndirilməsi imkanları”, Avrasiya Dostluq, Sənət, Mədəniyyət və Turizm Qurumunun başqan yardımçısı Sedat Aldemir “Türkiyə Naxçıvan əlaqələri” və AMEA Naxçıvan Bölməsinin rəhbəri, akademik İsmayıl Hacıyev “Atatürk və Heydər Əliyev: Tarixi missiyada oxşarlıq” mövzularında çıxış ediblər.
Sonra Avrasiya Dostluq, Mədəniyyət, Sənət və Turizm qurumu tərəfindən akademiklər İ. Həbibbəyli və İ. Hacıyevə Avrasiya mədəniyyət və elm, AMEA-nın müxbir üzvü Əbülfəz Quliyevə Avrasiya mədəniyyət və təhsil, professor Məhərrəm Cəfərliyə Avrasiya xalq mədəniyyəti mükafatları təqdim olunub.
Qeyd edək ki, simpozium sabah 3 bölmə iclası ilə davam edəcək.