Mədəniyyət siyasəti

Mədəniyyət siyasəti

Azərbaycanda 137-ci teatr mövsümünün təntənəli açılış mərasimi keçirilib - FOTOSESSİYA

Azərbaycanda 137-ci teatr mövsümünün təntənəli açılış mərasimi keçirilib - <font color=red>FOTOSESSİYA</font>

15 sentyabr 2009 15:20 (UTC +04:00)

Bakı. Ülkər Qasımova-APA. Bu gün əsaslı təmirdən sonra istifadəyə verilmiş Azərbaycan Dövlət Gənc Tamaşaçılar Teatrının qarşısında 137-ci teatr mövsümünün təntənəli açılış mərasimi keçirilib. APA-nın məlumatına görə, bu gün respublika üzrə fəaliyyət göstərən 26 teatrda yeni mövsümə start verilib. Təntənəli açılış mərasimində həm paytaxt, həm bölgə teatr kollektivlərinin iştirak ediblər. Açıq hava altında keçirilən teatr mövsümünün açılış mərasimində müxtəlif teatr kollektivlərinin ifasında tamaşalar nümayiş olunub və ifalar səslənib.

Açılış mərasimində çıxış edən mədəniyyət və turizm naziri Əbülfəs Qarayev Azərbaycanda dövlət rəhbərliyi tərəfindən teatr sahəsinə çox yüksək dəyər verildiyi və bu sahədə son dövrlər çoxsaylı yeniliklərin, uğurların olduğunu bildirib. Nazir yeni 137-ci teatr mövsümündə bütün teatr xadimlərinə uğurlar arzulayıb və onlara çoxsaylı, maraqlı rollar diləyib: “Bu gün keçirilən tədbirdə ictimaiyyətin də iştirakı çox sevindiricidir. Bu o deməkdir ki, Azərbaycanda teatr var və hər zaman olacaq. Son bir il müddətində teatr sahəsində görülən işlər hər birimizin əməyinin nəticəsidir. Teatrlarda aparılan əsaslı təmir işləri, teatrda çalışanların əmək haqlarının artırılması bu sahəyə göstərilən böyük qayığının bariz nümunəsidir. “Teatr haqqında” qanunun hazırlanması isə bu sahədə yaxın müddətdə çox ciddi və xoşagələn dəyişiklərin olacağından xəbər verir. Bizim teatr kollektivlərini ilin sonuna kimi çoxsaylı beynəlxalq teatr festivallarında iştirak gözləyir. Eyni zamanda gələn il Azərbaycanda keçirilməsi nəzərdə tutulan Çexov adına Beynəlxalq Teatr Festivalına ciddi hazırlaşmalıyıq”.

Açılış mərasimində xalq artistləri Yaşar Nuri, Afaq Bəşirqızı, Firəngiz Mütəllimova həm özlərinə, həm də həmkarlarına maraqlı və işgüzar il arzu ediblər. Yaşar Nuri bu il ərzində həm Azərbaycan Dövlət Akademik Milli Teatrda, həm Opera və Balet Teatrında, həm də Kukla Teatrında tamaşaçılara maraqlı rollar vəd edib. Aktyorlar teatra göstərilən qayğıdan razılıqlarını da ifadə edib, bu qayğı nəticəsində Azərbaycan teatrlarının uğurlarının sayının artacağına inandıqlarını qeyd ediblər.