Mədəniyyət siyasəti

Ana səhifə

Mədəniyyət siyasəti

Tarix Muzeyində “VI Beynəlxalq Türk İncəsənəti Sərgisi”nin açılış mərasimi keçirilib – FOTO

Tarix Muzeyində “VI Beynəlxalq Türk İncəsənəti Sərgisi”nin açılış mərasimi keçirilib – <font color=red>FOTO </font>

01 aprel 2011 09:43 (UTC +04:00)

Bakı. Ülkər Qasımova – APA. Azərbaycan Tarix Muzeyində VI Beynəlxalq Türk İncəsənəti Sərgisinin açılış mərasimi keçirilib. APA-nın məlumatına görə, çıxışlardan əvvəl qonaqlar və tədbir iştirakçıları sərgi ilə tanış olublar.

Sərginin açılışından sonra Milli Azərbaycan Tarixi Muzeyi, Miras İctimai Birliyi və “Active” Media Şirkətinin birgə istehsalı olan, türk obalarının mənəvi mədəniyyətində axır çərşənbənin yerindən bəhs edən “Axtaçı obası: Tərəkəmə çərşənbəsi” filmi təqdim olunub. Tarix Muzeyinin direktoru, akademik Nailə Vəlixanlı bildirib ki, türk incəsənəti tarix boyunca Anadolu və Orta Asiyada memarlıqdan naxışlamağa, ev sənətkarlığına qədər bir çox sahəyə öz damğasını vurub: “Şərqdən gətirilən elementlərlə Anadolunun yerli materialları və ənənəvi texnikası əslini pozmadan birləşib. Azərbaycanın möhtəşəm incəsənət və memarlıq keçmişi də daxil olmaqla, XI əsrdən başlayaraq Anadolu memarlığında söz sahibi olan səlcuqlar məscid, mədrəsə, türbə, karvansaray, mehmanxana, hamam, saray və körpü, eləcə də bir sıra müxtəlif tikililərin əsasını qoyublar. Onlar zaman-zaman inkişaf etib və digər əsaslı dəyişikliklərə nail olublar. Zaman keçdikcə fəth edilən Anadolu torpaqlarında da bu incəsənət anlayışı işlədilib”.

Daha sonra “Türk–islam incəsənəti və memarlığı” seminarında Fariz Xəlilli “Mədəni irsimiz: İncəsənət, memarlıq və sənətkarlıq”, Mehmet Rıhtım “İslam incəsənəti: Xəttatlıq, miniatür, təzhib”, Ahmet Aytac “Türk incəsənətinin Qərb mədəniyyətinə təsiri” və digər mövzularda məruzələr dinlənilib.

Tədbir iki gün davam edəcək. Sərgidə nümayiş olunan əsərlərin kataloqu Türkiyədə nəşr olunacaq.