Mədəniyyət siyasəti

Ana səhifə

Mədəniyyət siyasəti

“Azərbaycan kino salnaməsi” fotosərgisinin açılışı keçirilib- FOTOSESSİYA

“Azərbaycan kino salnaməsi” fotosərgisinin açılışı keçirilib- <font color=red>FOTOSESSİYA</font>

02 dekabr 2011 15:12 (UTC +04:00)

Bakı. Ülkər Qasımova – APA. Muzey Mərkəzində “Azərbaycan kino salnaməsi” fotosərgisinin açılışı keçirilib. APA-nın məlumatına görə, tədbirdə çıxış edən Azərbaycan Dövlət Film Fondunun rəhbəri, əməkdar incəsənət xadimi Cəmil Quliyev bildirib ki, 113 yaşlı Azərbaycan kinosu bu uzun zaman kəsiyində şərəfli yol keçib, milyonların zövqünü oxşayıb: “Bu müddət ərzində 300-dən artıq film, yüzlərlə kinoxronikal süjet və sənədli filmlər çəkilib. Sərgidə istifadə olunan fotolar ömrünün 50 ilini fotoqraf-rəssam kimi Azərbaycan kinosuna həsr etmiş əməkdar mədəniyyət işçisi Pərviz Quliyevin şəxsi kolleksiyasındandır”.

C. Cabbarlı adına “Azərbaycanfilm” Kinostudiyasının direktoru, xalq artisti Xamis Muradov deyib ki, Pərviz Quliyev 1961-ci ildən kinostudiyada çalışır, fotosexin rəisi, Dövlət Film Fondunun foto arxiv üzrə baş məsləhətçisidir.

Tədbirdə Pərviz Quliyev, operator Kənan Məmmədov, xalq artistləri Rafiq Əzimov, Nuriyyə Əhmədova və başqaları iştirak ediblər.

Sərgidə “Arşın mal alan” (1965), “Yaşamaq gözəldir qardaşım” (1966), “Cazibə qüvvəsi” (1964), “Uşaqlığın son gecəsi” (1969), “Şərikli çörək” (1970), “Gün keçdi” (1971), “Alma almaya bənzər” (1975), “Alman klinikasına şəxsi səfər” (1988), “Fəryad” (1993), “Hər şey yaxşılığa doğru” (1997) və digər filmlərdən fotolar sərgilənib.