Mədəniyyət siyasəti

Ana səhifə

Mədəniyyət siyasəti

Robertino Loretti: “14 yaşlı azərbaycanlı ifaçı Emin Eminzadə mənim rəqibimdir” - FOTOSESSİYA

Robertino Loretti: “14 yaşlı azərbaycanlı ifaçı Emin Eminzadə mənim rəqibimdir” - <font color=red>FOTOSESSİYA</font>

09 dekabr 2011 14:46 (UTC +04:00)

Bakı. Ramil Məmmədli-APA. Məşhur italyan ifaçısı Robertino Loretti 65 illik yubileyi münasibətilə Rusiyaya qastrol səfərini başa çatdırıb. APA-nın məlumatına görə, qastrol zamanı R. Loretti rusiyalı musiqiçilərə ustad dərsləri keçib, tanınmış sənət adamları ilə görüşləri olub, onun iştirakı ilə çoxlu sayda təqdimat mərasimləri keçirilib. Qastrolun yekun konserti isə Moskvanın “Svetlanovski” konsert zalında keçirilib. Anşlaqla keçən mərasimdə Neopolitian musiqisinin məşhur müğənnisi repertuarında olan musiqiləri Rusiya Dövlət Prezident Orkestrinin müşayiəti ilə ifa etməklə yanaşı, tamaşaçılarla canlı təmasda da olub. R. Loretti moskvalılarla birgə özünün məşhur “Jamayka” mahnısını ifa edib.

Konsertdə diqqəti çəkən məqam isə R. Lorettinin Bakıdan mərasimdə çıxış etmək üçün dəvət etdiyi Azərbaycanın istedadlı gənc ifaçısı Emin Eminzadənin çıxışı olub. Səhnəyə dəvət edilən E. Eminzadə haqqında danışan R. Loretti 14 yaşlı azərbaycanlı ifaçını özünün “rəqibi” adlandırıb. R. Loretti bildirib ki, E. Eminzadə onun bütün repertuarını bilir və çox yüksək səviyyədə iştirak edir: “Eminlə mən Azərbaycanla İtaliya arasında mədəni dostluq körpüsü olacağıq”.

Sonra E. Eminzadə R. Lorettinin ifasında dünya şöhrəti qazanan “Santa Luçiya” mahnısını oxuyub. Bundan sonra E. Eminzadənin atası, Dünya Azərbaycanlıları Konqresinin sədr müavini Xəzər Emin səhnəyə çıxaraq R. Loretti və tamaşaçılara xoş arzularını bildirib, həmçinin qədim ornamentlərlə toxunan Təbriz xalçasını italyan ifaçıya təqdim edib.

Növbəti gün isə Moskvada yaşayan azərbaycanlı diasporu tərəfindən R. Lorettinin şərəfinə Azərbaycan mətbəxinin təqdimatı ilə ziyafət təşkil edilib.

Qeyd edək ki, E. Eminzadə vokal üzrə Milli Konservatoriyanın dosenti Məryəm Babayevanın tələbəsidir. Gənc ifaçı Milli Təhlükəsizlik Nazirliyinin Mədəniyyət Mərkəzinin Musiqi Məktəbində təhsil alır. Eyni zamanda Dövlət Uşaq Filarmoniyasının solistidir. Robertino Loretti bu tədbirdə Azərbaycanın istedadlı gənci Emin Eminzadənin iştirak etməsi üçün rəsmi şəkildə mədəniyyət və turizm naziri Əbülfəs Qarayevə müraciət ünvanlayıb. Mədəniyyət və Turizm Nazirliyi tərəfindən isə bu müraciət müsbət dəyərləndirilib.