Mədəniyyət siyasəti

Ana səhifə

Mədəniyyət siyasəti

İsrafil İsrafilov: “GUAM ölkələrinin mədəniyyət sahəsində sıx əməkdaşlıq əlaqələri yaranmaqdadır” – FOTO

İsrafil İsrafilov: “GUAM ölkələrinin mədəniyyət sahəsində sıx əməkdaşlıq əlaqələri yaranmaqdadır” – <font color=red>FOTO </font>

20 dekabr 2011 13:30 (UTC +04:00)

Bakı. Ülkər Qasımova – APA. Krım-Tatar Akademik Musiqili Dram Teatrı Bakıda qastrol səfərindədir. APA-nın məlumatına görə, bu gün qonaq teatr nümayəndələrinin iştirakı ilə Azərbaycan Akademik Milli Dram Teatrında mətbuat konfransı keçirilib.

Akademik Milli Dram Teatrının rəhbəri İsrafil İsrafilov deyib ki, GUAM (Gürcüstan, Ukrayna, Azərbaycan, Moldova) ölkələrinin müxtəlif sahələrdə, o cümlədən mədəniyyət sahəsində sıx əməkdaşlıq əlaqələri yaranmaqdadır.
O bildirib ki, rəhbərlik etdiyi teatr GUAM ölkələri teatrları arasında əlaqələri inkişaf etdirmək məqsədilə layihə həyata keçirir: “Bu layihə GUAM ölkələri arasında uzunmüddətli yaradıcılıq əlaqələrini – qarşılıqlı qastrol səfərlərini, rejissor mübadiləsini, birgə layihələri, texniki heyətin təcrübə mübadiləsini, hər bir ölkədə fəaliyyət göstərən dramaturqların pyeslərinin digər ölkələrin teatrlarında tamaşaya qoyulmasını və digərləri nəzərdə tutur”.

İ. İsrafilov bildirib ki, hazırda Akademik Milli Dram Teatrında K. Marcanişvili adına Gürcüstan Dövlət Akademik Dram Teatrının bədii rəhbəri Levan Tsuladze Maks Frişin “Don Juan və yaxud həndəsəyə məhəbbət” əsəri əsasında, moldovalı rejissor, Kişinyovdakı E. İonesku adına teatrın bədii rəhbəri və baş rejissoru Petru Vutkareu isə xalq yazıçısı Elçinin “Şekspir” əsəri əsasında tamaşalar hazırlayır. Ukrayna Krım-Tatar Akademik Musiqili Dram Teatrının Bakıya qastrol səfəri də bu layihə çərçivəsində həyata keçirilən tədbirlərdəndir.

Bu gün Krım-Tatar Akademik Musiqili Dram Teatrı kollektivinin ifasında Milli Dram Teatrının səhnəsində xalq yazıçısı Elçinin "Şekspir" pyesi əsasında hazırlanan "Xəstə könül" tamaşası nümayiş etdiriləcək. Teatrın kollektivi dekabrın 24-dək Bakıda olacaq.