Mədəniyyət siyasəti

Ana səhifə

Mədəniyyət siyasəti

“Eurovision” mahnı müsabiqəsinin icraedici rəhbəri Yan Ola Sand: “Azərbaycanda müsabiqəyə hazırlığı çox yüksək qiymətləndirirəm” – MÜSAHİBƏ - FOTO

“Eurovision” mahnı müsabiqəsinin icraedici rəhbəri Yan Ola Sand: “Azərbaycanda müsabiqəyə hazırlığı çox yüksək qiymətləndirirəm” – <font color=red>MÜSAHİBƏ - FOTO</font>

23 yanvar 2012 16:02 (UTC +04:00)

Bakı. Ülkər Rəşidqızı-APA. “Eurovision” mahnı müsabiqəsinin icraedici rəhbər Yan Ola Sand yanvarın 25-də Bakıda keçiriləcək açar təqdimetmə və püşkatma mərasimində iştirak etmək üçün Azərbaycana səfər edib. İcraedici rəhbəri APA-ya eksklüziv müsahibə verib və Azərbaycanın bu müsabiqəyə möhtəşəm ev sahibliyi həyata keçirəcəyini bildirib.

- Azərbaycanda baş tutacaq «Eurovision-2012» mahnı müsabiqəsindən nələr gözləyirsiniz? Siz özlüyünüzdə bu müsabiqəni necə təsəvvür edirsiniz?

- Azərbaycan ötən il Eurovision-2012 mahnı müsabiqəsində Almaniyanın Düsseldorf şəhərində qalib gəldi. Azərbaycan qələbə qazanan kimi biz İctimai Teleradionun rəhbərliyi ilə görüşdük və işlərin gedişindən çox məmnun qaldıq. Azərbaycandakı hazırlıqları çox yüksək qiymətləndirirəm. Biz İctimai Teleradio ilə danışmışıq və artıq lazımi hazırlıqlar aparılır. Bakıda bir neçə dəfə olmuşam və hər gələndə bu şəhərin inkişafını görürəm. Yanvarın 25-də artıq ev sahibliyi açarı Azərbaycana təqdim olunacaq. Bununla da Azərbaycan rəsmən bu müsabiqənin ev sahibliyi statusunu alacaq.

- Bu il Bakıda keçiriləcək müsabiqəyə 43 ölkə qatılacaq. İcraçı prodüser olaraq bunu necə qiymətləndirirsiniz?

- 43 ölkənin iştirakı həqiqətən də məni çox məmnun edir. Bu o deməkdir ki, “Eurovision” hazırda həmişəkindən daha güclüdür. Ölkələr Azərbaycana maraq göstərir və bu hal məni çox sevindirir. Bu ölkənin mədəniyyəti, incəsənəti ilə canlı tanış olmaq arzusundadırlar. Məncə bütün ölkələr, eləcə də biz Bakıda çox gözəl şou görəcəyik. Ölkələrin həqiqətən də bu ölkəyə maraq göstərmələri, bura gəlmək istəkləri sevindiricidir.

- “Euriovision” şousunun keçirilməsi üçün üç məkan təqdim olunub. Siz bu məkanlardan hansını daha üstün sayırsınız və ümumiyyətlə, arenanın təsdiqi nə zamana gözlənilir ?

- Bu səfərimiz çərçivəsində biz bir daha məkanlara baxış keçirəcəyik. Yanvarın 25-də arenaya baş çəkəcəyik və işlərin gedişi ilə tanış olacağıq. Məkanla bağlı yaxın zamanlarda qərara gəlinəcək. Üç məkandan hansını seçəcəyimiz proseslərdən asılıdır.

- Siz, icraedici rəhbər vəzifəsini iki ildir icra edirsiniz. “Eurovision” kimi geniş miqyaslı yarışmaya rəhbərlik etmək çətin deyil ki?

- Həqiqətən də bu yarışmaya rəhbərlik etmək çətin və çox məsuliyyətli işdir. Amma mən bu işin yüksək səviyyədə təşkili üçün çalışıram. Böyük layihənin başında durmaq heç də asan deyil. İnanıram ki, “Eurovision-2012” yaddaqalan olacaq. Amma hazırlıqlarla əlaqədar hər şey başa çatmayıb.

- Azərbaycana artıq bir neçə dəfə gəlmisiniz. Ölkəmiz, paytaxt şəhər Bakı haqqında fikirləriniz necədir?

- Azərbaycanı, əsasən də Bakını çox sevdim. Açığı, Bakını bu qədər tanımırdım, Bakı modern bir şəhərdir və bunun belə olması vacib məsələdir. Çünki bu şəhər may ayında müxtəlif ölkələrdən çoxsaylı qonaqlar qəbul edəcək. Mən “Eurovision” yarışması bitdikdən sonra da bu ölkəyə gəlmək istərdim.

Eurovision