Mədəniyyət siyasəti

Ana səhifə

Mədəniyyət siyasəti

Bakı Eurovision-2012-nin ev sahibliyini rəsmən qəbul edib - FOTOSESSİYA

Bakı Eurovision-2012-nin ev sahibliyini rəsmən qəbul edib - <font color=red>FOTOSESSİYA</font>

25 yanvar 2012 19:59 (UTC +04:00)

Bu mərasimdə Eurovision 2011-ə ev sahibliyi etmiş Düsseldorf şəhərinin meri Dirk Elbers Eurovision Mahnı Müsabiqəsinin rəmzi açarını Bakı şəhərinin meri Hacıbala Abutalıbova təqdim edib. Bununla da Bakı Eurovision 2012-yə ev sahibliyini beynəlxalq auditoriya qarşısında təntənəli şəkildə qəbul edib.

Tədbirdə həmçinin qaydalara uyğun olaraq yarımfinallarda iştirak edəcək 37 ölkənin hansı yarımfinalda çıxış edəcəyi müəyyən edən püşkatma keçirilib. Həmçinin Fransa, Almaniya, İtaliya, İspaniya, Böyük Britaniya və keçən ilki müsabiqənin qalibi olan Azərbaycanın hansı yarımfinalı yayımlayacağı və səsvermədə iştirak edəcəyi də müəyyən olunub. Püşkatmanın nəticələrinə görə 2012-ci il mayın 22-də də birinci yarımfinalda iştirak edən 18 ölkə Monteneqro, İslandiya, Rumıniya, Albaniya, Belçika, Latviya, İsveçrə Finlandiya, Yunanıstan, Moldova, Kipr, Avstriya, Danimarka, Rusiya, San-Marino, İsrail, İrlandiya və Macarıstan olub.

Mayın 24-də ikinci yarımfinalda iştirak edəcək 19 ölkə Serbiya, Niderland, Portuqaliya, Makedoniya, Belarus, Malta, Ukrayna, Ermənistan, Bolqarıstan, İsveç, Gürcüstan, Sloveniya, Estoniya, Türkiyə, Slovakiya, Xorvatiya, Norveç, Litva, Bosniya və Herseqovina olub.

26 May 2012-ci ildə birbaşa final mərhələsində Almaniya, Böyük Britaniya, Fransa, İspaniya, İtaliya və Azərbaycan (qalib ölkə kimi) iştirak edəcəklər.

Tədbirin vacib məqamlarından biri isə Eurovision Mahnı Müsabiqəsi 2012-nin konsepsiyasının təqdimatı olub. Möhtəşəm Eurovision axşamında Azərbaycanın ev sahibliyi edəcəyi müsabiqənin loqo və şüarı açıqlanıb.

2004-cü ildən etibarən Eurovision Mahnı Müsabiqəsinin içərisində ev sahibliyi edən ölkənin bayrağı əks olunmuş ürək şəkilli logosu var. Buna baxmayaraq hər il ev sahibi olan ölkə həmin loqoya əlavə olaraq öz loqosunu, başqa sözlə müsabiqənin konsepsiyasının bədii təsvirini təqdim edir.

Loqoda mədəniyyətimizdə xüsusi yeri olan od, çox qədim tarixə malik musiqimi xarakterizə edən rəqs, şəffaflıq, əmin-amanlıq və sülhsevərliyi təcəssüm etdirən Günəş, ay və ulduzlar təsvir olunub.

Zəngin mədəniyyətimizdə xüsusi yeri olan od fəlsəfəsi bu gün də bayramlarımız, incəsənət nümunələrimiz, memarlığımızda çox aktualdır. Böyük bir coğrafiyanı əhatə edən Novruz Bayramında insanlar tonqalın ətrafında bir araya gəlir, təbiətin oyanmasını, həyatın sanki yenidən başlanmasını böyük şənliklərlə qeyd edirlər.

Könlümüzə hərarət verən od Azərbaycan xalqının istiqanlı, qonaqpərvər qayğıkeş xüsusiyyətlərində öz təcəssümünü tapır. Həyatımızın enerji mənbəyi hesab etdiyimiz alov demək olar ki, bir-birindən çox fərqli naxışlara mədəniyyət incilərimizdə öz əksini tapıb.

Çoxsaylı arxeoloji və memarlıq abidələri, qədim daş kitabələr, qayaüstü rəsmlər, əlyazmalar, bənzərsiz və zəngin musiqi parçaları, o cümlədən ecazkar muğam, əsrlərin dərinliklərindən bizə miras qalmış xalça naxışları, dünya muzeylərində öz layiqli yerini tutmuş yüzlərlə maddi və mənəvi nümunələrimiz qədim “Odlar Yurdu”nun dünya mədəniyyətinə verdiyi əvəzsiz töhfələrdə biz bu fəlsəfinin bariz nümunələrini görə bilərik.

Eurovision Mahnı Müsabiqəsi Bakı 2012-nin bütün izləyicilərinə sülhü dəstəkləmək, insanları sevmək, yardımlaşmaq üçün onlara qəlblərindəki qığılcımı alovlandırmaq üçün onlara “Odlar Yurdu”ndan məhz bu şüarla səslənirik.