Mədəniyyət siyasəti

Ana səhifə

Mədəniyyət siyasəti

Əbülfəs Qarayev Polşa səfiri ilə görüşüb

01 fevral 2012 14:20 (UTC +04:00)

Bakı. Ülkər Rəşidqızı - APA. Mədəniyyət və turizm naziri Əbülfəs Qarayev Polşa səfiri Mixal Labenda ilə görüşüb. Nazirliyin Beynəlxalq əlaqələr və mədəniyyət proqramları şöbəsindən APA-ya verilən məlumata görə, görüşdə Azərbaycanla Polşa arasında ikitərəfli mədəni təmasların artırılmasının və əlaqələrin böyük potensialından geniş istifadə olunmasının zəruriliyi vurğulanıb.

İki ölkə arasında diplomatik münasibətlərin qurulmasının 540 illiyi münasibətilə Polşada Azərbaycan mədəniyyət günlərinin təşkil olunması, kino və teatr sahələrində qarşılıqlı əməkdaşlıq kimi məsələlər müzakirə olunub. Səfir Polşanın dəstəyi ilə 2011-ci ilin oktyabr-noyabr aylarında keçirilən Mədəniyyət Orkestri adlı 111 gənc musiqiçidən ibarət olan birləşmiş beynəlxalq simfonik orkestrin tərkibində Azərbaycandan 8 istedadlı musiqiçinin iştirakına imkan yaradıldığına görə öz təşəkkürünü bildirib və belə bir beynəlxalq mədəniyyət proqramının bu il Azərbaycanda təşkil olunmasını təklifini irəli sürüb. Ə. Qarayev Beynəlxalq Mədəniyyət Orkestrinin cari ilin sentyabr ayında Ü. Hacibəyli adına musiqi festivalında çıxış etməsini təklif edib.