Mədəniyyət siyasəti

Ana səhifə

Mədəniyyət siyasəti

Eurovision 2012 ilə bağlı tanıtım videoçarxlarında çəkilmək üçün 900-dən artıq insan müraciət edib

04 fevral 2012 18:16 (UTC +04:00)

Bakı. Ülkər Rəşidqızı – APA. Eurovision 2012 mahnı müsabiqəsi ilə bağlı Eurovision Mərkəzində həyata keçirilən tanıtım videoçarxlarının çəkilişləri üçün ikinci kastinqlər başa çatıb. APA-nın məlumatına görə, kastinqlərin ikinci hissəsində müxtəlif yaş kateqoriyalarında 363 nəfər iştirak edib. Kastinqlər saat 12.00-dan 20.00-dək davam edib. Kastinqlərin meneceri Tahir Əliyevin verdiyi məlumata görə, kastinqlərlə bağlı ümumi nəticə 900-dən artıq təşkil edir. Yanvarın 6-da keçirilən ilk kastinqlərdə 388, bu gün keçirilən kastinqlərdə 363 nəfər, eləcə də internet vasitəsi ilə dünyanın bir çox ölkələrindən İşçi Qrupuna 200-dən artıq insan fotolarını göndərib. Maraqlı məqam ondadır ki, bu dəfəki kastinqlərdə Azərbaycanın tanınmış simalarının övladları da iştirak ediblər. Azərbaycanın xalq artisti Murad Hüseynovun, aktyor Cabir İmanov və digərləri övladları ilə birgə mərkəzə gəliblər. Kastinqə qatılan insanların iştirakı ilə müxtəlif video-roliklər çəkilib. İştirakçılar Eurovision 2012-nin keçiriləcəyi “Light your fire” şüarı ilə Avropada tanınmaq arzularını ifadə ediblər.
İştirakçılar Eurovision 2012-nin keçiriləcəyi “Light your fire” şüarı ilə Avropada tanınmaq arzularını ifadə ediblər.

Xatırladaq ki, yanvarın 6-sı və fevralın 4-dəki kastinqlərdən uğurlu nəticə əldə edən iştirakçılar ikinci mərhələyə dəvət olunacaq. Seçimlərdən keçən şəxslərlə fevralın 15-dək əlaqə saxlanılacaq. Kastinqlərin keçirilməsində məqsəd Eurovision müsabiqəsinin tanıtım videoçarxlarında çəkiləcək simaların sadə vətəndaşlar arasından seçilməsi və bu müsabiqədə hamının yaxından iştirakına imkan yaradılmasıdır.