Mədəniyyət siyasəti

Ana səhifə

Mədəniyyət siyasəti

Mədəniyyət və Turizm Nazirliyi: Kitabxanalar kompüter biliklərini və informasiya texnologiyalarını mənimsəmiş mütəxəssisləri işə qəbul etməlidir

07 fevral 2012 08:20 (UTC +04:00)

Bakı. Ülkər Rəşidqızı – APA. Mədəniyyət və Turizm Nazirliyi Azərbaycanda fəaliyyət göstərən kitabxanalara müraciət edib. Nazirlikdən APA-ya verilən məlumata görə, rayon və şəhər kitabxanalarına kompüter biliklərini və informasiya texnologiyalarını mənimsəmiş mütəxəssislər işə qəbul olunmalıdır.

Prezidentin 2008-ci il 6 oktyabr tarixli sərəncamı ilə təsdiq olunmuş “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı”nın həyata keçirilməsi üzrə Tədbirlər Planının 2.5. bölməsinin, habelə Nazirlər Kabinetinin 162 nömrəli, 11 oktyabr 2011-ci il tarixli “Şəhər (rayon) mərkəzləşdirilmiş kitabxana sistemlərinin, müstəqil kitabxanaların, şəhər, qəsəbə və kənd kitabxana filiallarının, habelə şəhər, qəsəbə kütləvi, uşaq və gənclər kitabxanalarının nümunəvi strukturu və ştatları haqqında” qərarı məhz bu qərarın icrasını təmin etmək məqsədilə şəhər, rayon kitabxanalarına (onların filiallarına) ali və orta ixtisas təhsilli (o cümlədən ali təhsilli), habelə kompüter biliklərini və informasiya texnologiyalarını mənimsəmiş mütəxəssislər işə qəbul olunmalıdır.