Mədəniyyət siyasəti

Ana səhifə

Mədəniyyət siyasəti

Eldar Qasımov və Nigar Camal: “3 dəqiqə həyatımızda çox şeyi dəyişdi” - FOTOSESSİYA

Eldar Qasımov və Nigar Camal: “3 dəqiqə həyatımızda çox şeyi dəyişdi” - <font color=red>FOTOSESSİYA</font>

22 fevral 2012 16:18 (UTC +04:00)

Eurovision qalibləri səhnədə 3 dəqiqənin gətirdiyi şöhrətdən danışıblar
Bakı. Ülkər Rəşidqızı – APA. Eurovision Mahnı Müsabiqəsində 1957-ci ildən etibarən hər mahnının 3 dəqiqədən ibarət olması qərarı qəbul olunub. Bu, tamaşaçılar üçün adi bir zaman kəsiyi olsa da, həmin səhnədən ölkələrinə qalib kimi qayıdanlar bu anı ömür boyu xatırlayırlar. Çünki cəmi 3 dəqiqənin hökmü ilə onların həyatında hər şey tamamilə dəyişilir. APA-nın müsabiqənin rəsmi internet saytına istinadən verdiyi xəbərə görə, Eurovision səhnəsinin qalibləri Ruslana, Aleksandr Rıbak, Lena Mayer, Eldar və Nigar qələbə təəssüratlarını paylaşıblar.

Qalibiyyəti xatırlayan “Eurovision-2004”ün qalibi Ruslana həmin dəqiqələri belə xatırlayır: “Çox xoşbəxt dəqiqələr idi. Bu bütün iştirakçılar üçün belədir. Burada qalib olub-olmamaq vacib deyil. 3 dəqiqə sənin bütün həyatını dəyişir. Əsas odur ki, sən bir musiqiçi kimi tamamilə başqa pilləyə qədəm qoyursan. 3 dəqiqədə hər şey dəyişilir. O, sənin həyatını 2 hissəyə bölür - 3 dəqiqədən əvvəl sən zirvəyə doğru getmək barədə düşündüyün təqdirdə, 3 dəqiqədən sonra sən özünü həqiqətən güclü hiss edirsən. Sənə elə gəlir ki, hər şey edə bilərsən”.

“Eurovision-2009”un qalibi Aleksandr Rıbak isə bildirib ki, televiziyadakı 3 dəqiqə bu anın əsl mahiyyətini tam ifadə etmir: “O müddətə qədər sən nə qədər hazırlıq prosesi keçirsən. Bu hadisəyə başlayana qədər sən nə qədər emosiyalara qapılırsan. Əlbəttə, indi mənim üçün “şan-şöhrət o qədər də vacib deyil” demək asandır. Çünki mən ona nail olmuşam. Lakin mən həqiqi sevinc hisslərini “Nağıl”ımı yaratdığım zaman yaşadım!”
“Eurovision-2010”un qalibi Lena Mayer isə bu üç dəqiqənin həyatında çox vacib an olduğunu deyib: “Bu 3 dəqiqə mənim həyatımda çox vacib an oldu. Əgər mən həmin 3 dəqiqəlik mahnımı oxumasaydım, indi burada olmazdım. O, hər şeyi dəyişdi. Mən indi populyar musiqiçiyəm, 3-cü albomumu hazırlayıram. Həmin 3 dəqiqə sayəsində həyatımda hər şey yaxşı gedir”.

“Eurovision-2011” mahnı müsabiqəsinin qalibləri Eldar Qasımov və Nigar Camal isə bu 3 dəqiqənin həyatlarında hər şey olduğunu bildiriblər: “3 dəqiqə həyatımızda çox şeyi dəyişdi. Təbii ki, bu dəyişikliklər təkcə sənin xarici görünüşünə deyil, daxili aləminə, xasiyyətinə də təsir edir.
Davranışın, düşüncələrin dəyişir. Bu qalibiyyətdən sorna sən daha məsuliyyətli olursan. Kamera qarşısında nə dediyinə, necə davrandığına fikir verməlisən. Bu 3 dəqiqə bizi insanlara sevdirdi. Sevgi isə insanları hər zaman xoşbəxt edir”.

Eurovision