Mədəniyyət siyasəti

Ana səhifə

Mədəniyyət siyasəti

Azərbaycanın tar ifaçılıq sənətinin UNESCO-nun siyahısına daxil edilməsi ilə bağlı tədbir keçirilib - FOTOSESSİYA

Azərbaycanın tar ifaçılıq sənətinin UNESCO-nun siyahısına daxil edilməsi ilə bağlı tədbir keçirilib - <span style="color: red;">FOTOSESSİYA

11 dekabr 2012 14:19 (UTC +04:00)

Bakı. Ülkər Rəşidqızı – APA. Bu gün Bakıda Beynəlxalq Muğam Mərkəzində Azərbaycanın tar ifaçılıq sənətinin UNESCO-nun bəşəriyyətin Qeyri-maddi mədəni irs üzrə Reprezentativ siyahısına daxil edilməsi münasibəti ilə tədbir keçirilib. APA-nın xəbərinə görə, bununla bağlı muzeyin foyesində tarda Azərbaycan xalq musiqiləri səslənib.

Eyni zamanda Azərbaycanın xalq artisti, professor Ramiz Quliyevin tar ifalarından ibarət diskin təqdimatı keçirilib.

Tədbirdə çıxış edən mədəniyyət və turizm naziri Əbülfəs Qarayev tarın Azərbaycan musiqi sənətində xüsusi əhəmiyyət kəsb etdiyini bildirərək bu qərarın tam yerinə düşdüyünü ifadə edib. Nazir deyib ki, Azərbaycan musiqisinin atributlarından biri olan tar alətlərin zivəsində dayanır.

Ə. Qarayev bildirib ki, tarın UNESCO-nun siyahısına daxil olması bu alətin dünya mədəniyyətinə verdiyi töhfədir: “Buz bu yöndə işləri davam etdirəcəyik. Azərbaycanın mədəniyyət nümunələri UNESCO-nun həm qeyri-maddi, həm də mədəni irs siyahısına daxil olunacaq”.

Tədbirdə Azərbaycan Milli Konservatoriyasının rektoru, xalq artisti Siyavuş Kərimi, xalq artisti, professor Ramiz Quliyev çıxış edərək bu əlamətdar hadisəyə çox sevindiklərini ifadə ediblər.

Daha sonra tədbir konsert proqramı ilə davam etdirilib.

UNESCO _ tar