“Mədəniyyət” qəzeti “Mədəniyyət mövzusunda ən yaxşı jurnalist işi” üçün müsabiqə elan edib

“Mədəniyyət” qəzeti “Mədəniyyət mövzusunda ən yaxşı jurnalist işi” üçün müsabiqə elan edib
# 10 may 2007 10:24 (UTC +04:00)
Mədəniyyət və Turizm Nazirliyinin “Mədəniyyət” qəzeti “Mədəniyyət mövzusunda ən yaxşı jurnalist işi” üçün müsabiqə elan edib. “Mədəniyyət” qəzetindən APA-ya verilən məlumata görə, müsabiqə kütləvi informasiya vasitələrində mədəniyyət mövzusunun yüksək peşəkarlıqla işıqlandırılmasını, mədəni sərvətlərin, yaradıcı insanların həyatının və yaradıcılıq prosesinin yeni forma və üslubla əks etdirilməsinə nail olmaq, ölkə jurnalistlərinin bu işə daha məqsədyönlü cəlb olunmasını təşviq etmək məqsədilə keçirilir. Əsərlərin mayın 1-dən noyabrın 1-nə qədər olan müddətdə mətbuatda dərc olunması və yaxud efirdə verilməsi zəruridir. Müsabiqəyə təqdim edilən materiallar mədəni-mənəvi ideya təyinatına uyğunluq, obyektivlik, peşəkarlıq, dilin səlisliyi, aktuallıq, mövzu şərhinə yaradıcı yanaşma, Azərbaycan dövlətinin mədəniyyət siyasətinin normativ tələblərinə uyğunluq tələbələrinə cavab verməlidir. Qaliblər tanınmış yazıçı və jurnalistlərdən ibarət münsiflər heyəti tərəfindən müəyyənləşdiriləcək. Müsabiqənin yekunları dekabrın ikinci ongünlüyündə elan ediləcək. /APA/
#
#

ƏMƏLİYYAT İCRA OLUNUR