Bakı. Viktoriya Dementyeva-APA. Bu gün Brüsseldə Avropa Birliyi ilə Ermənistan arasında viza rejiminin sadələşdirilməsinə dair saziş imzalanıb. APA-nın AB-nin mətbuat xidmətinə istinadən yaydığı məlumata görə, sazişi Ermənistanın xarici işlər naziri Edvard Nalbandyan, Avropa Birliyinə sədrlik edən Kiprin xarici işlər naziri Erato Kozaku-Markulis və daxili işlər üzrə komissar Sesiliya Malmstrem imzalayıblar.
Saziş Avropa Parlamentinə göndəriləcək və bütün daxili prosedurlar başa çatdıqdan sonra qüvvəyə minəcək.
Bu sənəd Ermənistan vətəndaşlarına qısamüddətli vizanı ucuz və sadə yolla almaq imkanı yaradır.
Avropa Birliyi bu günədək 10 ölkə, o cümlədən Ukrayna və Gürcüstanla viza rejiminin sadələşdirilməsinə dair saziş imzalayıb. Azərbaycanla bu istiqamətdə danışıqlar davam edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
