Saatlı. Əlibəy Zeynallı - APA. Saatlı rayonunda piyadanın ölümü ilə nəticələnən yol-nəqliyyat hadisəsi baş verib.
APA-nın Mil-Muğan bürosunun məlumatına görə, hadisə ötən gecə saat 20.00 radələrində, Saatlı rayonunun Qalağayın-Məmmədabad avtomobil yolunda qeydə alınıb.
Saatlı rayonunun Qaranuru kənd sakini Ağayev Kamil Famil oğlunun idarə etdiyi “VOLKSWAGEN” markalı, 10 LX 258 dövlət nömrə nişanlı avtomobillə yolu keçən kənd sakini, 1938-ci il təvəllüdlü Həsənova Mədinə Behbud qızını vurub. Nəticədə piyada xəstəxanaya çatdırılarkən yolda dünyasını dəyişib.
Faktla bağlı Saatlı rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
