Futbol

Ana səhifə

Futbol

Millimizin futbolçusu Almaniya çempionatında 2-ci qolunu vurdu

15 fevral 2014 09:38 (UTC +04:00)

Bakı-APA. Azərbaycan milli komandasının futbolçusu Tuğrul Erat Almaniyanı II Bundesliqasında növbəti oyununu keçirib. Apasport.az saytının məlumatına görə, 21 yaşadək futbolçulardan ibarət yığmamızın hücumçusu şərəfini qoruduğu Düsseldorf “Fortuna”sının heyətində “Union”la matça çıxıb.

XXI turun ev oyununa start heyətində başlayan Erat 90 dəqiqə meydanda olub. Yığmamızın futbolçusu qarşılaşmanın 35-ci dəqiqəsində hesabı açsa da, qonaqlar bərabərlik qolunu vura bilib – 1:1.

Bu xal itkisindən sonra hesabında 27 xal olan “Fortuna” 18 komanda arasında 10-cu yerdə qərarlaşıb.

Qeyd edək ki, yığmamızın hücumçusu II Bundesliqada 5-ci oyununda 2-ci qolunu vurub. Erat 2013-cü il dekabrın 14-də “Enerji” ilə matçda qol hesabını açmışdı.