Moskva. Fərid Əkbərov – APA. Rusiya paytaxtında “Heydər Əliyev. Bilinməyən şəkillər” adlı sərgi keçiriləcək. APA-nın Moskva müxbirinin verdiyi məlumata görə, dekabrın 11-də “Ukrayna” hotelində baş tutacaq sərginin təşkilatçısı Azərbaycanın Rusiyadakı səfirliyidir. Sərgi Heydər Əliyevin anım gününə həsr olunub.
Sərgidə Heydər Əliyevin indiyə qədər heç yerdə nümayiş olunmayan fotoları təqdim ediləcək. Fotolar 1984-cü ildə İrkutsk şəhərinin “Vostoçno-Sibirskaya pravda” qəzetinin fotomüxbiri Valeri Karasev tərəfindən lentə alınıb. V. Karasev həmin vaxt SSSR Nazirlər Soveti sədrinin müavini olan Heydər Əliyevi Baykal-Amur magistralının tikintisi zamanı keçirdiyi görüşlərdə müşayiət edib. Bu zaman o, 1600-dən çox foto çəkib. V. Karasev həmin fotoları bir müddət əvvəl Azərbaycanın Rusiyadakı səfirliyinə təqdim edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
