Bakı. Anaxanım Hidayətova-APA. Moskvada Rusiya və Ermənistan Xarici İşlər nazirlikləri arasında xarici siyasətin informasiya təminatı mövzusunda siyasi məsləhətləşmələr keçirilib. APA-nın “Reqnum”a istinadən yaydığı məlumata görə, məsləhətləşmələrdə Ermənistan nümayəndə heyətinə xarici işlər nazirinin müşaviri, nazirliyin mətbuat, informasiya və ictimaiyyətlə əlaqələr idarəsinin rəisi Tiqran Mkrtçyan, Rusiya nümayəndə heyətinə isə XİN mətbuat və informasiya idarəsinin rəisi Aleksandr Lukaşeviç rəhbərlik edib. Görüşdə iki ölkə arasında informasiya əməkdaşlığının əsas mövzuları ətrafında fikir mübadiləsi aparılıb.