Bakı. Könül Cəfərli-APA. “Buşəhr atom-elektrik stansiyasında heç bir qəza baş verməyib”. APA-nın “Mehr” xəbər agentliyinə istinadən məlumatına görə, bunu İranın Atom Enerjisi Təşkilatının rəhbəri Firudin Abbasi bildirib.
Onun sözlərinə görə, Buşəhr AES müəyyən olunmuş müddətdə Rusiya tərəfindən iranlı mühəndislərə təhvil veriləcək. F. Abbasi əlavə edib ki, İranla Atom Enerjisi üzrə Beynəlxalq Agentlik (AEBA) arasındakı müzakirələr Tehranda keçiriləcək: “Müzakirələrdə ciddi narahatlıq doğuran əsas məsələlər müzakirə olunacaq”.
Qeyd edək ki, İranın bəzi kütləvi informasiya vasitələri AEBA icraçı direktorunun müavini Herman Nakertsin rəhbərlik etdiyi 7 nəfərlik nümayəndə heyətinin dekabrın 13-də İrana səfər edəcəyi barədə məlumat yayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
