Bakı-APA. ABŞ Dövlət Departamenti Katibinin Avropa və Avrasiya Bürosunun İctimai Diplomatiya Məsələləri üzrə köməkçisi Bey Fenq Azərbaycana səfərini başa çatdırıb. Bu barədə APA ABŞ-ın Azərbaycandakı səfirliyinə istinadən məlumat verir.
Məlumata görə, Dövlət katibinin köməkçisinin müavininin səfərinin əsas məqsədi Amerika Birləşmiş Ştatları missiyasının Azərbaycanda ictimai diplomatiya sahəsində görülən proqramları ilə tanış olmaq, Azərbaycan rəsmiləri, gənclər və vətəndaş cəmiyyətinin nümayəndələri ilə görüşmək olub. O Bakı, Sumqayıt və Salyanda gənclərlə görüşərək mübadilə proqramları imkanlarını müzakirə edib. Xanım Fenq həmçinin Salyanda yerləşən Amerika mərkəzi və ictimai diplomatiyaya aid olan məsələləri Salyan rayonunun İcra Hakimiyyətinin Başçısı Tahir Kərimovla müzakirə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
