Bakı. Könül Cəfərli – APA. İranda növbəti avtobus qəzası baş verib. APA-nın “Mehr” xəbər agentliyinə istinadən məlumatına görə, hadisə noyabrın 21-də günortadan sonra ölkənin Sistan və Bəluçistan vilayətinin Nikşəhr şəhərində baş verib. Məktəbliləri İran-İraq müharibəsinə həsr olunan abidəni ziyarət etmək üçün aparan avtobus sürücünün idarəetməni itirməsi nəticəsində Şiraz-Gəcsəran yolunun 30 kilometrliyində aşıb. Nəticədə 14 şagird müxtəlif dərəcəli bədən xəsarətləri alıb. 11-ci sinif şagirdləri olan yaralı məktəblilər yaxınlıqdakı xəstəxanaya aparılıb.
Qeyd edək ki, noyabrın 8-də İranın Səbzivar şəhərində də məktəbliləri daşıyan avtobusun aşması nəticəsində 2 nəfər ölmüş, 15 nəfərin yaralanmışdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
