Bakı. Könül Cəfərli - APA. Dekabrın 13-də Tehranda İranla Atom Enerjisi üzrə Beynəlxalq Agentlik (AEBA) arasında növbəti müzakirələr keçirilib.
APA-nın İRİB-ə istinadən məlumatına görə, bu barədə İranın AEBA-dakı daimi nümayəndəsi Əli Əsgər Sultaniyə açıqlama verib.
O bildirib ki, agentliyin icraçı direktorunun müavini Herman Nakaertsin rəhbərlik etdiyi nümayəndə heyəti ilə görüş faydalı keçib: “Müzakirələr konstruktiv oldu və mühüm irəliləyiş əldə edildi. Görüşdə İranla agentlik arasında növbəti müzakirələrin 2013-cü il yanvarın 13-də keçirilməsi barədə razılıq əldə olundu”. Ə.Sultaniyə İranın nüvə fəaliyyətinin tamamilə şəffaf və AEBA-nın qaydaları çərçivəsində olduğunu deyərək, ölkəsinin nüvə haqqından geri addım atmasının müzakirə mövzusu olmayacağını vurğulayıb.
Qeyd edək ki, İranla AEBA arasında müzakirələr 2012-ci ilin yayında Vyanada başlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
