Bakı. Nicat Mustafayev – APA-Economics. Azərbaycan Rabitə və İnformasiya Texnologiyaları Nazirliyinin Bakı Telefon Rabitəsi İstehsalat Birliyi (BTRİB) Bakıda NGN texnologiyasının əhatə etdiyi yaşayış məntəqələrinin sayını artırıb.
Nazirlikdən «APA-Economics»ə verilən məlumata görə, hazırlanan tədbirlər planına uyğun olaraq Xəzər rayonunun Qala kəndində 1 104 nömrə tutumlu, Türkan sovxozunda 512 nömrə tutumlu, Sabunçu rayonunun Pirşağı kəndində 1 472 nömrə tutumlu, Sabunçu rayonunun Ramana sovxozunda 1 632 nömrə tutumlu, Sabunçu rayonunun Pirşağı sovxozunda 150 nömrə tutumlu ATS-in NGN tətbiqi ilə qurulması işləri başa çatdırılıb. Bundan başqa BTRİB şəbəkəsi üzrə mövcud ATS-lərdə genişzolaqlı internet xidmətinin tutumu 7 min port artırılıb.
Qeyd edək ki, işlər «Bakı şəhərinin və onun qəsəbələrinin sosial-iqtisadi inkişafına dair Dövlət Proqramı»na (2011-2013-cü illər) uyğun olaraq BTRİB-in Bakı şəhərinin bütün stansiyalarının NGN texnologiyası əsasında tamamilə yenidən qurulması layihəsi çərçivəsində həyata keçirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
