Bakı – APA. Azərbaycan millisinin 2013-cü ildə ilk təlim-məşq toplanışının vaxtı açıqlanıb. Apasport.az saytının məlumatına görə, yığmamız yanvarın 29-dan fevralın 6-dək Birləşmiş Ərəb Əmirliklərinin Dubay şəhərində hazırlıq keçəcək.
Təlim-məşq toplanışı çərçivəsində Berti Foqtsun yetirmələri 2 beynəlxalq yoldaşlıq matçında da qüvvələrini sınayacaqlar. Komandamız fevralın 1-də Özbəkistan, 5 gün sonra 6-da isə Lixtenşteyn millisi ilə üz-üzə gələcək.