APA-nın məlumatına görə, görüşdə Azərbaycanla Gürcüstan arasında ikitərəfli münasibətlərin inkişaf etdirilməsi, habelə regional məsələlər müzakirə olunub. Tərəflər, həmçinin enerji daşıyıcılarının ixracı məsələsinə də toxunublar.
Qeyd edək ki, B. İvanişvili Azərbaycana bu gün gəlib. Bu onun baş nazir postunda Azərbaycana ilk səfəridir. Nümayəndə heyətinə xarici işlər naziri, iqtisadiyyat və energetika naziri və diaspor məsələləri üzrə dövlət naziri daxildir.