Lənkəran. Ağəddin Babayev – APA. Həqiqət Rzayeva adına Lənkəran şəhər uşaq musiqi məktəbində Azərbaycan bəstəkarı, xalq artisti Fikrət Əmirovun 90 illik yubileyi ilə bağlı tədbir keçirilib.
APA-nın cənub bürosunun xəbərinə görə, rayonun mədəni-maarif müəssisələri kollektivlərinin, ictimaiyyət nümayəndələrinin qatıldığı tədbirdə məktəbin direktoru Kamil Fərzullayev sənətkarın həyat və yaradıcılığı haqqında geniş məlumat verib.
Daha sonra məktəbin müəllim və şagirdlərinin ifasında Fikrət Əmirovun əsərlərindən parçalar səsləndirilib, mahnıları ifa olunub.