Bakı. Rəşad Süleymanov – APA. Azərbaycan gömrükçüləri ölkəyə gizli yolla narkotik maddələrinin gətirilməsi faktını aşkarlayıblar. Bu barədə APA-ya Dövlət Gömrük Komitəsindən məlumat verilib.
Astara Gömrük İdarəsinin sərnişin şöbəsində İrandan ölkəyə gələn Azərbaycan vətəndaşı Ağaverdi Səfərovun üzərində şəxsi yoxlama zamanı onun daxili orqanından (düz bağırsağından) 1 ədəd bükümdə, xalis çəkisi 48,201 qram olan heroin aşkar edilib.
Biləsuvar Gömrük İdarəsinin “Qoşa Təpə” gömrük postunda isə İrandan qayıdan Azərbaycan vətəndaşı Kamil Paşayevin üzərində şəxsi yoxlama zamanı ondan gömrük nəzarətinə bəyan olunmayan 1 ədəd bükümdə, xalis çəkisi 0,276 qram olan narkotik vasitə - tiryək aşkarlanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
