Lənkəran. Ağəddin Babayev - APA. Bu gün Lənkəran şəhərinin dəmiryol vağzalyanı meydanında Dünya Azərbaycanlılarının Həmrəylik günü və Yeni il münasibətilə ərzaq və kənd təsərrüfatı məhsullarının satış-yarmarkası keçirilib.
APA-nın cənub bürosunun məlumatına görə, Lənkəran Şəhər İcra Hakimiyyətinin (ŞİH) təşəbbüsü ilə gerçəkləşən yarmarkada Bakı şəhərindən və respublikanın ayrı-ayrı rayonlarından 42 şirkət və istehsal müəssisəsinin 325 ton ərzaq və yeyinti məhsulları satışa çıxarılıb. Əhaliyə təklif olunan məhsulların qiyməti bazar qiymətlərindən 25-30% aşağı olub.
Lənkəran ŞİH başçısının iqtisadi məsələlər üzrə müavini İlkin Rəhimovun sözlərinə görə, satış-yarmarkanın keçirilməsində əsas məqsəd bazarlarda bayramqabağı süni qiymət artımının qarşısını almaq olub.
Qeyd edək ki, yarmarkada qiymətlərə ŞİH tərəfindən yaradılmış işçi qrupu nəzarət edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
