Balakən. Vüqar Heydərov - APA. Balakən rayonunda yanğın hadisəsi qeydə alınıb.
Fövqəladə Hallar Nazirliyi (FHN) Balakən rayon Yanğından Mühafizə Hissəsindən (YMH) APA-nın yerli bürosuna verilən məlumata görə, yanğın rayonun Qazma kənd sakini Əlimərdanov Vəfadar Şəhmil oğluna məxsus, ümumi sahəsi 120 kv/m olan fərdi yaşayış evində baş verib. Hadisə yerinə FHN-nin Balakən rayon YMH-nin canlı qüvvəsi və texnikası cəlb edilib.
Yanğın nəticəsində evin zirzəmi hissəsinin 40 kv/m sahəsinin yanar konstruksiyaları yanaraq yararsız hala düşüb.
YMH-nin əməkdaşlarının səyi nəticəsində yanğının genişlənərək otaqlara keçməsinin qarşısı alınıb. Yanğın zamanı xəsarət alan olmayıb.
Faktla bağlı FHN-nin Balakən rayon YMH-də araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
