Tehran. Süleyman Fırzəliyev - APA. Oktyabrın 23-24-də Tehranda Xəzərin hüquqi statusu ilə bağlı Konvensiyanın hazırlanması üzrə işçi qrupun 47-ci iclası keçiriləcək.
APA-nın Tehran bürosunun məlumatına görə, iki günlük iclasda İran, Azərbaycan, Rusiya, Qazaxıstan və Türkmənistandan nümayəndələr iştirak edəcək.
Yığıncaqda Xəzər dənizinin hüquqi statusu ilə bağlı Konvensiya layihəsindəki məsələlər müzakirə olunacaq. Xəzəryanı ölkələrin dövlət başçılarının Qazaxıstanda keçiriləcək sammitinə hazırlıq məsələləri də müzakirə ediləcək.
Qeyd edək ki, Xəzərin hüquqi statusu ilə bağlı Konvensiyanın hazırlanması üzrə işçi qrupunun 46-cı iclası iyulun 11-12-də Astanada keçirilmişdi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
