Bakı. Hafiz Heydərov – APA. Bakıda ağır yol qəzası baş verib. Bakı şəhər Dövlət Yol Polisi İdarəsindən APA-ya verilən məlumata görə, hadisə bu gün saat 18.00 radələrində Mehdiabad-Pirşağı yolunda qeydə alınıb.
“QAZ-3110” markalı maşın yolun əks istiqaməti ilə hərəkət edən “VAZ-2107” markalı maşınla toqquşub. Nəticədə iki nəfər hadisə yerindəcə keçinib. Onların şəxsiyyəti dəqiqləşdirilir.
Qəza nəticəsində daha iki nəfər - Xosrov Yusifov və Sənan Məmmədov müxtəlif xəsarətlərlə xəstəxanaya yerləşdiriliblər.
Faktla bağlı cinayət işi başlanıb, istintaq gedir.