Bakı. Könül Cəfərli – APA. İranın təhlükəsizlik qüvvələri ələ keçirdikləri ABŞ-a məxsus “ScanEagle” model pilotsuz təyyarədəki informasiyaları götürə biliblər.
APA-nın İRİB-ə istinadən məlumatına görə, bu barədə İran İslam İnqilab Keşikçiləri Korpusundan (“Sepah”) açıqlama verilib.
Bildirilib ki, yerə endirilən təyyarə heç bir zədə almayıb və o, ötən il ələ keçirilən “Ar-Kyu-170” tipli “Sentinel” pilotsuz təyyarəsindən daha təkmildir: “Ehtiyac olarsa, “ScanEagle” haqqında başqa məlumat da verməyə hazırıq. İran ondan beynəlxalq məhkəmələrdə ABŞ-ın İranın hava sərhədini pozmasına dair dəlil olaraq istifadə etmək fikrindədir”.
Qeyd edək ki, “Sepah” komandanı, admiral Əli Fədəvi ABŞ-a məxsus yeni pilotsuz təyyarənin ələ keçirildiyi ilə bağlı açıqlama verib. Lakin ABŞ Hərbi Dəniz Qüvvələrinin 5-ci donanması bu xəbəri təkzib edərək bildirib ki, Pentaqon Fars körfəzində son zamanlar heç bir pilotsuz təyyarəsini itirməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
