Qusar. Vəli Turan-APA. Qusar rayonu ərazisində bir nəfərin ölümü, 2 nəfərin xəsarət alması ilə nəticələnən yol-nəqliyyat hadisəsi baş verib. APA-nın şimal bürosunun verdiyi məlumata görə, qəza Qusar-Həzrə yolunda qeydə alınıb. 1961-ci il təvəllüdlü Bəxtiyar Sultanovun idarə etdiyi 10 DU 959 dövlət nömrə nişanlı “QAZ 31” markalı avtomobillə 1981-ci il təvəllüdlü Ruslan Xəlilovun idarə etdiyi “VAZ 2107” markalı 39 BQ 115 dövlət nömrə nişanlı avtomaşın toqquşub. Qəza nəticəsində “VAZ-2107” markalı maşında olan 1973-cü il təvəllüdlü Nazxanım Bəkirova dünyasını dəyişib. Hər iki sürücü isə müxtəlif dərəcəli bədən xəsarətləri ilə Qusar Mərkəzi Rayon Xəstəxanasına yerləşdirilib. Xəstəxanadan verilən məlumata görə, onların vəziyyəti orta-ağırdır.
Faktla bağlı araşdırma aparılır.