Bakı. Könül Cəfərli - APA. İran Silahlı Qüvvələrinin Xuzistan vilayətində keçirdiyi ikigünlük hərbi təlimlər başa çatıb.
APA-nın İRİB-ə istinadən məlumatına görə, bu barədə İranın Quru Qoşunlarının sözçüsü, general Əli Mehrabi açıqlama verib.
O bildirib ki, “Aşura” adı verilmiş hərbi təlimlər Quru Qoşunlarının hərbi hazırlıq səviyyəsinin artırılması məqsədilə keçirilib: “Təlimlər 3 mərhələli olub. Sonuncu etapda xüsusi əməliyyat qüvvələri kəşfiyyat xarakterli əməliyyatlar həyata keçirib, daha sonra isə ordunun zirehli texnikasından və ağır artilleriyasından atəşlər açılıb”.