Moskva. Fərid Əkbərov – APA. Rusiya paytaxtında hərəkətdə olan gəlin kortejindən havaya atəş açan 18 yaşlı Azərbaycan vətəndaşı barəsində həbs qərarı çıxarılıb. APA-nın Moskva müxbirinin verdiyi məlumata görə, bu gün Tver Rayon Məhkəməsinin qərarı ilə Seymur Nəbizadə barəsində həbs qəti-imkan tədbiri seçilib.
S. Nəbizadə məhkəmədən 100 min rubl məbləğində zaminə buraxılmağını xahiş edib: “Mən başa düşmüşəm ki, haqsızam. Axmaqlıq etmişəm. Xahiş edirəm məni həbs etməyin. Mənim qohumların zamınə buraxılmağım müqabilində 100 min rubl məbləğində pul verməyə hazırdırlar ”. Lakin onun xahişi məhkəmə tərəfindən rədd edilib və bir ay müddətinə həbs qəti-imkan tədbiri seçilib.
Qeyd edək ki, Seymur Nəbizadə Moskvada gəlin kortejində avtomobillə hərəkət edərək havaya travmatik silahla bir necə dəfə atəş açıb. Hadisə şahidləri və yerli sakinlər polisə bu barədə məlumat veriblər. Polis gəlin kortejindəki avtomobilləri saxlamağa cəhd etsə də, avtomobillərin sürücüləri polisin “Saxla!” əmrinə riayət etməyiblər. Bir neçə polis maşını maşın karvanını toy mərasiminin keçirildiyi “Safisa” şadlıq sarayına qədər qovub. Yolu bağlayan polis maşınları saxlayıb. Doqquz azərbaycanlının üzərinə və avtomobillərinə baxış keçirilib. Bu zaman Seymur Nəbizadənin üzərindən 1 ədəd “Makarov“ tipli travmatik tapança, avtomobilindən isə bir ədəd travmatik silah, qandal və çoxlu sayda patron aşkarlanaraq götürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
