Bakı Fuad Cəfərov-APA . Bakıda bıçaqlanma hadisəsi baş verib. Nəsimi Rayon Polis İdarəsindən APA-ya verilən məlumata görə, hadisə 3-cü mikrorayon dairəsində qeydə alınıb. 1987-ci il təvəllüdlü Daşqın Qarayev 1985-ci il təvəllüdlü Orxan Kərimovu bıçaqlayıb. O. Kərimov Klinik Tibbi Mərkəzə yerləşdirilib. Hadisə törədən D. Qarayev saxlanılıb. Hadisənin məişət zəminində baş verdiyi güman edilir.
Faktla bağlı araşdırma aparılır.