APA-nın məlumatına görə, parlament sədri Bakıda QDİƏT Parlament Məclisinin 40-cı iclasında iştirak edəcək. İclasda quruma sədrliyin Azərbaycandan Bolqarıstana keçməsi nəzərdə tutulur. Bundan başqa Tsetska Tsaçeva Azərbaycanın baş naziri Artur Rəsizadə ilə də görüşəcək.
Qeyd olunan tədbirdə iştirak etmək üçün QDİƏT-in baş katibi Viktor Tsvirkun da Bakıya gələcək. Parlament Məclisinin iclasından əvvəl Bakıda QDİƏT PM Bürosunun 47-ci toplantısı və Daimi Komitənin 40-cı iclası keçiriləcək.
Xatırladaq ki, Azərbaycan QDİƏT Parlament Məclisinə 6 ay sədrlik edib.