Moskva. Fərid Əkbərov-APA. “Dağlıq Qarabağ münaqişəsinin nizamlanması ətrafında yaranan vəziyyət ciddi narahatlıq doğurur”. APA-nın Moskva müxbirinin verdiyi məlumata görə, bu sözləri “Ria Novosti”yə müsahibəsində ATƏT-in baş katibi Lamberto Zanyer deyib.
L. Zanyer Azərbaycan və Ermənistan xarici işlər nazirlərinin Dublində görüşüb ortaq nəticəyə gələ biləcəklərinə ümid etdiyini bildirib: ”Bu, baş verərsə, onlar Minsk Qrupunun həmsədrləri ilə birgə bəyanatla çıxış edib, irəliləyiş əldə edə bilərlər. Ən kiçik addım belə münaqişə prosesi üçün çox önəmlidir”.