Maliyyə

Ana səhifə

Maliyyə

Azərbaycanın strateji valyuta ehtiyatları bu il 11% artıb

05 noyabr 2012 12:15 (UTC +04:00)

«APA-Economics»in məlumatına görə, bu barədə Azərbaycan Mərkəzi Bankının (AMB) bu ilin yanvar-sentyabr ayları üzrə hazırladığı «Pul siyasəti icmalı»nda deyilir.

Qeyd edək ki, hesabat dövründə AMB-nin valyuta ehtiyatları 9,8% artaraq oktyabrın 1-nə 11,5 mlrd. dollar, Dövlət Neft Fondunun ehtiyatları isə 11,4% artaraq 33,2 mlrd. dollar təşkil edib.

Mərkəzi Bankın hesablamalarına görə, ümumi valyuta ehtiyatları ölkənin təxminən 3 illik mal və xidmət idxalına, AMB-nin ehtiyatları isə 1 illik mal və xidmət idxalını maliyyələşdirilməsi üçün kifayət edir.

Hazırda strateji valyuta ehtiyatlarının ÜDM-ə nisbəti 70%-ə yaxındır. Ümumilikdə, strateji valyuta ehtiyatlarının yüksək templə artımı ölkə iqtisadiyyatının mümkün xarici böhran təsirlərinə qarşı həssaslığını azaldan və güclü makroiqtisadi bufer formalaşdıran amildir.