Bakı. Cavid Zeynallı – APA. Aprelin 23-24-də İsveçrə Konfederasiyasının Lüsern şəhərində 4-cü “Lüsern Dünya Turizm Forumu” keçiriləcək. Mədəniyyət və Turizm Nazirliyinin İnformasiya və ictimaiyyətlə əlaqələr şöbəsindən APA-ya verilən məlumata görə, forumda nazirlik tərəfdaş qismində iştirak edəcək.
Hər il dünyanın müxtəlif ölkələrindən çoxsaylı nümayəndənin iştirak etdiyi layihənin 2015-ci il üzrə qonaq ölkəsi Azərbaycan olacaq. Forum çərçivəsində müxtəlif mövzularda seminarların keçirilməsi nəzərdə tutulub.
Tədbirdə 60 ölkədən 400-dən çox turizm sahəsində fəaliyyət göstərən rəhbər şəxslərin, mütəxəssislərin və icraedicilərin iştirakı planlaşdırılır.